Kaikōkiri Kaupapa Māori

Tūranga Pūmau _

E kimi ana mātou i tētahi Kaikōkiri Kaupapa Māori ki te noho ki tā mātou ohu Hōtaka ki Te Ao Mārama - Tauranga City Libraries.

Inā te whiwhinga whakahihiri ki te:

- tūhura me te whakaahua i te hanga me te whanaketanga o ngā terenga me ngā hōtaka hei whakatairanga i ngā hapori Māori i Tauranga Moana
- piri mai ki tētahi ohu e kimi taunga ana, e manawareka ana hoki ki ngā homaitanga takitahi, takitini hoki kia wana ai te taiwhanga ako.
- whakatinana i tō kaingākau me tō whakaaro auaha ki roto i tētahi wāhi, e whai ana ki te whakamānawa i ngā putanga whai hua me te whakawhānui i te māramatanga o Te Ao Māori mā tatou

**Te Tūranga | Mō te tūranga**

Kei te Kaikōkiri Kaupapa Māori te haepapa ki te mahi ngātahi ki ngā ohu hapori, ki ngā ohu kura, ki ngā ohu iwi, ki ngā ohu hapū, ki ngā ohu ngā whanaungatanga ā-hapori ki te waihanga i tētahi kāhui hōtaka mā te hapori. E rua ngā kanohi o te tūranga: ki te whakatairanga i ngā hapori Māori mā ngā hōtaka o te whare pukapuka, ka tahi. Ki te akiaki, ki te tuari āheinga kia whānui kē atu te māramatanga o te hapori nui tonu ki Te Ao Māori. Mā te mātau, mā te hanga māramatanga hou me te whakawhanaungatanga tēnei putanga e whakatinana.

Ko tāu mahi:

- he whakatū, he poipoi i ngā hononga ki ngā iwi, ki ngā hapū, ki ngā kura kaupapa, ki ngā rūmaki, ki ngā kōhanga reo, ki ngā ohu hapori
- he whakarite me te whakaako hōtaka, ngohe hoki ā kura, ā whare kōhungahunga, ā ratonga, ā karapu, ā hapori.
- he whakarite, he whakahaere, he whakaako terenga mā ngā hapori
- he whakaako, he whakahaere i ngā puna hapori ki te kauhau ki te hapori
- he mahi tahi ki ngā mema hapori, ki ngā ohu, ki ngā rōpu hoki ki te waihanga tahi i ngā hōtaka
- he whakatairanga i te wāhi a ngā whare pukapuka mō taumāhekeheke o Matariki me Mahuru Māori
- he uru ki roto i ngā matapaki tima whānui ki te whakaū i te rautaki me te tukunga hāngai ki te hōtaka o ngā terenga whānui

Ka mahi ki roto i te whānuitanga o te tīma hōtaka, ā, ka tautoko hoki koe i ngā terenga o te tīma whānui kia whakanuia ake te māramatanga ki te Kaupapa Māori. E rua ngā tūranga Kaikōkiri Kaupapa Māori i roto i tō mātou tīma, nā reira ka mahi ngātahi kōrua ki te whakawhanake i ngā hōtaka Māori. Ko tā te Kaikōkiri Kaupapa Māori hou, he uru atu ki ngā matapakihanga a te tīma whānui hei māngai mō ngā hōtaka Māori mō te hunga pakeke.

Mai i a Mane ki a Paraire te mahi matua, heoi anō, he mahi hoki i te wīkene i ētahi wā, ā muri hoki i te ahiahi e tau tika atu ai ngā matea o te hapori.

**Ngā Pukenga | E angitū ai koe**

E angitū ai koe i tēnei tūranga me wheako ki te Ao Māori me te hiahia ki te tuari i tō mōhiotanga. Ka mahi ngātahi, ā, ka whakatipu anō koe i ngā hononga hapori e mahi ai koe i tētahi mahere hōtaka, terenga hoki hei hāpai i ngā hapori me te akiaki i te ako me te whakawhanaungatanga.

Anei ngā pūkenga hāngai:

- He mōhio ki te reo me te whakawhitiwhiti whānui ki roto i ngā horopaki maha
- He māramatanga hōhonu ki Te Ao Māori me ngā tikanga Māori
- He tohu kura tuatoru
- He mātau ki ngā tikanga Māori ki ngā horopaki whānui
- He whakaaro auaha, he tirohanga whakaora, he manawanui
- He tūhononga, he whanaungatanga ki ngā hapori Māori o Tauranga Moana
- He āheinga ki ngā iwi, ki ngā hapū, ki ngā kura, ki ngā rangapū hapori, ki ngā ohu, ki ngā whānau
- He wheako whakapoapoa ngātahi ā e mātau ana ki te whakaatu i aua pūkenga ki ngā rangapū hapori
- He raihana matua hautū waka
- E taea ana te mahi rehe, mahi tahi me te whakawhitiwhiti, ā, ka mahi takitahi i ētahi wā
- He waiaro ngāwari, he wairua ngahau, ā, he hiahia nōna ki te whai wāhi ki tētahi tīma whakapau kaha e tino puta ai ngā whāinga tiketike ki te hapori

**Tō Tātou Kaunihera | Mō tō tatou Kaunihera**

Ko te Kaunihera o Tauranga tētahi pakihi whai kaimahi nui rawa o Tauranga, ā, e titikaha ana mātou ki te tō i ngā iho pūmanawa ki tō mātou tīma remurere, hāngai hoki ki te hapori. Ka niwha tā mātou whai kia whakamanahia koe, kia manaakihia koe ki tō tūranga mahi. E whakaatu atu ai ko te tangata tō mātou whiwhinga nui, he painga anō hoki pēnei i te hararei 5 wiki, ka ngawhē ngā haora, ka mahi rānei ki te kāinga, ka piki hoki i te arawhata mahi.

**Te Tukanga | Mā hea tono ai**

Tēnā koa, e āhei ana ki tuku mai mā te īmēra. Ki te hiahia ki te tono, me pāwhiri i a 'Apply' ki te taunga o te whārangi nei me te whai i te paehono.

Kati ai ngā tono ā te 14 o Maehe ā te 11:59pm.
- E whakapūmau ana a Te Kaunihera o Tauranga ki te tāwharautanga me te oranga o ngā Tamariki i te hapori. He wāhanga nui o tēnei tūranga ki ngā Tamariki, nā kōna, mātaihia ai ngā kaitono ki te Police Vetting i mua i te whai kaimahi kia tautīnei ai tētahi wāhi haumaru. E whai ana tēnei tukanga i te ture Vulnerable Childrens Act 2014, ā,