Pou Ārahi

“Whakatairanga ake ngā kete o te mātauranga ki ngā tōpito o te motu, o te ao whānui e”
Kei ngā pou kahika o te ao Māori, tēnā koutou
Kei te kimi tono Te Tāhuhu o te Mātauranga mai i tētahi pou ārahi Māori, whai pūkenga, tautōhito e hiahia ana ki te tārai i te ānamata o te mātauranga mō ā tātou mokopuna te take. Ko tāu he whakatakoto i te ara, he tuku i te ārahitanga ā-rautaki ki Te Tāhuhu o te Mātauranga me te pae whakahaere o tō rōpū ake. Ka whai wāhi atu hoki koe ki te whakarauhītanga o ngā pou ārahi Māori matua e iwa e mahi ana puta noa i te whakahaere ki te panoni i Te Tāhuhu me te hāpai ake i ngā putanga mātauranga mō te iwi Māori.
Ka tautoko koe i Te Tāhuhu o te Mātauranga me Te Mahau ki te panoni i te āhua o ā mātou mahi hei whakatutuki i ngā putanga mātauranga kairangi, tōkeke hoki.
Ka riro i a koe te mahi hāpai ake i te āheinga ahurea, te whakatauira i ngā ara mahi hou, te tautoko i Te Tāhuhu me Te Mahau ki te whakanui i te Tiriti o Waitangi, me te mahi i ngā mahi whaitake hei whakamana i te Tiriti o Waitangi.
Ko te ngako o ā mātou mahi ko te poipoi i ngā mokopuna, ngā rangatira mō āpōpō. Whakapiri mai kia panonihia ai te ao mātauranga kia mau mō ngā whakatipuranga o nāianei, o ngā rā hoki e tū mai nei.
Mō ēnei tūranga
Ko te whāinga o Te Pou Tuarongo, i mōhiotia ai i mua ko te Rōpū Mātauranga Māori, ko te hāpai ake i te āheinga puta noa i Te Tāhuhu hei whakamana i Te Tiriti o Waitangi. Ko tā Te Pou Tuarongo he whakatere i te ao Karauna me te ao Māori, kia taea ai e Te Tāhuhu me Te Mahau te whakarite te wāhi kia huaina ai e te iwi Māori te tino rangatiratanga me te tautoko i Te Tāhuhu kia tū hei hoa whaihua ki te Kāwanatanga. Matua ki te kaupapa o Te Pou Tuarongo, ka honohono, ka mahi ngā Pou Ārahi ki ngā wāhanga katoa o Te Tāhuhu o te Mātauranga me Te Mahau, hei tautoko i te hikinga o te āheinga ahurea puta noa i ngā whakahaere, hei mātua whakarite, tautoko hoki i te ekenga panuku a te Māori i roto i te ao mātauranga hei Māori.
Kei noho tauaro tēnei tūranga ki raro i te Hautū Te Pou Tuarongo.
Ko te haepapa o Te Pou Rangatōpū ko te whakarato i ngā taumahi mātuatua ā-ture, rangatōpū hoki puta noa i Te Tāhuhu. Ka mātua whakaritea e mātou te whakahaerenga whai hua o te whakahaere me te āwhina i te whakatutukinga o ngā kawenga ā-ture, mahi whakatakoto pūrongo hoki a Te Tāhuhu.
Ka whakaratoa e mātou ngā ratonga tuituia kia ōrite, kia tika te haere i runga i ngā tikanga pakihi pai kia tū tonu, kia haumaru hoki te whakahaere. Ka whakaratoa hoki e mātou te whakahaerenga o ngā ratonga mātuatua pērā ki te mana arataki, te rautaki ā-whakahaere, ngā whakawhitiwhitinga kōrero, ngā rauhanga, te ture, te pūtea, te hoko ratonga, te whakatakoto pūrongo minita me te pūmanawa tāngata. Tae atu rā tēnei ki te mahi pātata ki ngā uniana o ā mātou kaimahi.
Ko te aronga o te rōpū ko te whakatauira i te urupare ahurea mā te hoahoa me te whakatinanatanga o tō matou kaupapahere rangatōpū, ōna tukanga, ōna tikanga hoki.
Ko tā te Pou Ārahi mō Te Pou Rangatōpū he whakarato i te ārahitanga Māori me te tautoko ki te Hautū (Hekeretari Tuarua), e mahi ana hei tino hoa e whakarato ana i te ārahitanga, te tohutohu, me te whakapakari ake hoki i te āheinga i roto i te rōpū.
Kei te noho tāhapa tēnei tūranga ki te Hautū Te Pou Rangatōpū.

Mōu ake
Mā te tangata whai wheako rangatōpū, matatau ki te ao Māori, te reo Māori me ōna tikanga, kua taunga ki te mahi i te ao Karauna-Māori, me ngā hononga iwi, ngākaunui ana hoki ki te angitū mātauranga Māori hei Māori te tūranga o Te Pou Ārahi Te Pou Rangatōpū.
Kia tino eke koe i roto i ngā mahi o tēnei tūranga ka whakaaturia mai e whai wheako ana koe ki te whakatakoto i te ārahitanga me te tohutohu rautaki, e taea ai hoki te tautoko te whanaketanga o tētahi mahere whaihua hei tautoko i te rōpū ki te waihanga āheinga ahurea, ka tōtika hoki tō whakamana i ngā rautaki mātauranga Māori, Ka Hikitia me Tau Mai Te Reo.

**Ka mauria mai e koe**:

- Ngā tirohanga Mātauranga Māori/ā-iwi
- He hōhonu te mātau ki Te Tiriti o Waitangi, ōna ūpoko, ōna mātāpono, ōna kaupapa here me te māramatanga ki ngā takohanga o te Karauna
- He wheako i ngā taumahi rangatōpū, mana arataki hoki/rānei
- He tohungatanga mō te taha ki te mātauranga Māori, te whanaketanga Māori hoki/rānei

E rite ana koe ki tēnei mahi hou?
Hīkaka ana mātou ki te whiwhi reta whakamōhio me te Tāhuhu Tangata i a koe mō tētahi o ēnei tūranga. I roto i tō reta ka hiahia mōhio mātou:

- ngā kōrero e pā ana ki a koe, ki ō uara, me tō whakapapa
- te take me ngā hihiri e hiahia ana ki tēnei tūranga
- ngā pūmanawa, ngā ngoi, ngā huanga whaiaro, me ngā tirohanga rerekē, ka haria mai rā e koe ki tēnei tūranga me tēnei whakahaere

Ka kati ngā tono ā te Rātapu 19 Poutū-te-rangi

“Whakatairanga ake ngā ke