Principal Adviser- Kura Māori

He tūranga ukiuki tēnei tae atu ki a Hānuere 2026
- Kia noho koe hei wāhanga tāpua mō tā mātou Hōtaka Panoni i te NCEA puta i te rāngai mātauranga i te Kura Tuarua-Kura Tuatoru

Āwhinatia mai mātou kia tāraihia te anamata o te mātauranga
He mea tārai e mātou te mātauranga kia rangatira ai, kia mana taurite ai ōna huanga
I Te Tāhuhu o te Mātauranga | The Ministry of Education, ka mahi mātou puta noa i te motu, i ngā rohe, i ngā hapori hoki ki te āwhina i te tāraitanga o te mātauranga mō ngā ākonga i ngā whare kōhungahunga, i ngā kura, tae atu ki ngā kura tuatoru.
E kī ana tā mātou whakahaere i ngā pūkenga, i te hunga hoki e ngākau titikaha ana i Aotearoa, i takea mai ai i ngā horopaki rerekē, i ngā ahurea rerekē anō hoki. Ahakoa ka mahi tahi mātou me ngā momo rōpū, i ngā momo hinonga hoki, i ia rā, whai ai mātou kia puta ngā hua nui katoa ka taea ki ā tātou ākonga i roto i tā tātou pūnaha mātauranga.
Ko tā mātou kaupapa whānui ko te tārai i tētahi pūnaha mātauranga e mana ōrite ai, e kairangi ai hoki ngā putanga.
I tēnei wā tonu nei, e tāpua ana tā mātou panoni i te āhua o tā mātou kawe i tā mātou kaupapa.
I te pae o te kura tuarua, e pīrangi ana mātou ki te mōhio e rite ana ngā ākonga ki te noho i te ao hurihuri i Aotearoa, ahakoa tā rātou whiriwhiri ki te haere tonu rānei ki te kura tuatoru, ki te uru atu rānei ki te rāngai mahi, ki te koke atu rānei ki kaupapa kē atu.
Koia mātou e panoni nei i te NCEA, e wātea ake ai, e taimau ake ai hoki te tohu, e mana ōrite ai te mātauranga Māori, e ngangahu ake ai te mārama ki ngā ara kia ako tonu, kia uru atu hoki ki te mahi, ka mutu, he take anō i tua atu i ēnei.
He kawenga nui whakaharahara tēnei e kaha whai wāhi nei te hapori, e nui nei tā rātou whakapau kaha, e mahi tahi ai hoki ngā ohu maha i roto i te Tāhuhu. E tohu ana tēnei i te panonitanga nui katoa mō te kura tuarua mai i te urunga mai o te NCEA i te upoko o ngā tau 2000, ā, mā reira e whakatau te ahu whakamuatanga o ngā mahi akoako i Aotearoa mō ngā tau kei mua i te aroaro.
Ka noho koe hei wāhanga mō tētahi ohu e ārahi ana i te whakatinanatanga o ngā rauemi mā te rāngai akomanga reo Māori me te kawenga o ngā panonitanga e hāngai ana ki te hōtaka panoni i te NCEA.
Mō tēnei tūranga | About this role
Mā te Pouārahi Matua - Kura Māori ētahi atu e arataki, e whakaohooho, e tautoko, e whakahihiko hoki i roto i te waihanganga me te whakatinanatanga o ngā whāinga, o ngā mahi me ngā take a te Tāhuhu me te hōtaka panoni i te NCEA.
Ka kaha hoki te mahi tahi a te Pouārahi Matua - Kura Māori rāua ko te Kaiwhakahaere Matua -Kura Māori ki te:

- tautoko i te whai wāhitanga me ngā hononga ki ngā whakahaere Māori matua, ki te hunga whai pānga hoki ki ngā kaupapa Māori me ngā akomanga reo Māori kei ngā rohe
- whakaū i te whakatinanatanga o ngā panonitanga o te NCEA hei painga mō ngā Kura Māori me ētahi atu ākonga
- whakaū i te whakatinanatanga me te whakatōnga o ngā panonitanga katoa hei tautoko i a ngāi Māori, i ngā ākonga nō ngā moutere, i ngā ākonga e rerekē nei te āki a ngā roro, me ngā ākonga hauā, i ākonga kē atu anō hoki
- tautoko i te waihanganga me te whakatinanatanga o ngā rauemi hei tātari i ngā pānga o nāianei, i ngā pānga hoki ka puta pea i te kōkiritanga o te panonitanga
- whakapau i tō kaha ki te ‘panoni i ngā ariā' mō te whakapiki i te angitu o ngā ākonga e taunakitia ai te tika kia panonihia, kia whakapakaritia anō hoki
- āta mahi tahi ki te ohu whakatinana i te taha Kura Auraki me te Pou Whakahaere i te Whakatinanatanga o ngā Hinonga kia tautokona ngā ohu i te kawenga ngātahitanga; kia whakaūngia hoki te hāngai o ngā hoahoa whakatinanatanga me ngā rautaki

Kia mōhio mai, he pārongo atu anō kei te rārangi mahi e mau nei.
Mōhou ake | About you
Ka whai take te ārahi a te tangata tika, me te aro pū ki te whanaungatanga me te whai wāhitanga a te hunga whaipānga puta noa i te rāngai.
Ka mārama kehokeho hoki ia ki te Pou Hono, ki te Pou Mana, ki te Pou Kipa hoki - arā, ko te whakaaro nui ki te Māori, ko te mōhio ki ngā horopaki Māori, me te eke ki te mana ōritetanga i te ao mātauranga mō ngāi Māori.

**Kei a ia hoki**:

- te māramatanga ki Te Tiriti o Waitangi me te hāngai o tērā ki tāna mahi
- te mōhio ki te reo Māori me ngā wheako i ngā tikanga Māori
- te māramatanga ki:

- te tukanga o ngā kaupapa here
- te āhua o te whakahaerenga o ngā rāngai kura, o te rāngai kura tuatoru, o te rāngai ahumahi hoki
- te pou tarāwaho me ngā hōtaka ā-rohe a te Mana Tohu Mātauranga o Aotearoa, ngā akoranga me ngā whakahaerenga
- ngā wheako i roto i te whakahaerenga o ngā rōpū e hāngai ai ngā mahi, e tutuki ai hoki ngā mahi i roto i ngā wā ka tohua
- ngā wheako i roto i te ārahi me te whakatinana i ngā panonitanga i ngā ohu whānui, i te pae o te tangata kotahi, o ngā rō