Kaitohutohu Matua Māori: Senior Advisor

Kaitohutohu Matua Māori - Mauria te ao Māori ki tētahi kaupapa tukutuku hou, he mea whakaongaonga, ka āwhina i ngā tāngata o Aotearoa ki te whakatere i ō rātou aramahi. - Aratakina ngā mahi kei te haputa tonu ki te tautohu me te whakaahua i ngā tūranga kaupapa Māori. - E wātea ana ngā kōwhiringa mahi ngāwari. Ko Te Amorangi Mātauranga Matua he hinonga Karauna iti me te mahi nunui - he whakarite kei ngā tāngata o Aotearoa ngā pūkenga me te mōhiotanga ka hiahiatia ki te hanga i te oranga pai, me te whakarite i te noho taurikura o Aotearoa. Ko tā mātou he haumi i te rahinga neke atu i te $3 piriona ia tau puta noa i te rāngai mātauranga matua me ngā pūnaha aramahi. Ki te kimi koe i tō "pūtake ora", tēnā tūhono mai. E whakapono mārika ana mātou ki ngā hua whakaumu o te mātauranga me te whakangungu ahumahi. E mōhio kē ana mātou kāore te pūnaha mātauranga e mahi i tēnei wā mō te nuinga o ngāi Māori, mō ngāi Pasifika, mō te hunga hauā me ngā ākonga he iti te moniwhiwhi. E whai ana mātou ki te whakatutuki i te tautika i te taumata pūnaha mō te whai wāhi me ngā paetae mō te katoa o ngā ākonga mātauranga matua. He wā whakaongaonga tēnei i te ao aramahi me te rāngai mātauranga matua e tūpono ai ngā huringa korahi, whaitake anō hoki. **Mō te tūranga**: Kei te haputa tonu āu mahi tautohu me te whakaahua i ngā tūranga kaupapa Māori. Māu e kohikohi me te tuhituhi i ngā whakamāramatanga mō aua tūranga mā te huawaere wānanga ki te Māori, me te tāpae i ō kitenga hei whakamahinga ki te paetukutuku hou. Māu e hoatu tohutohu anō hoki mō ngā tikanga o te paetukutuku me ngā ihirangi, tae atu ki ngā ataata, ngā whakaahua, ngā pikitia me te hoahoa whānui. **Kei roto i ō haepapa matua**: - Te whakahaere hononga: Ka whakawhanake koe i ngā hononga kei reira te whakawhirinaki nunui ki ngā kiripānga Māori matua. - Te whakawhanake ihirangi: Ka hautū i ngā mahi e pā ana ki ngā tūranga kaupapa Māori. Ka whai i te hātepe rangahau kua whakapūmautia, tae atu ki te huawaere hui me te whakahaere rangahau, me te mahi tahi ki ngā pūkenga TEC ki te tuhituhi i aua mahi mā te kāhua kua whakaritea. - Kaihautūtanga ahurea: Ka taunaki i ngā wawata me te tirohanga ā-ao o te Māori hei whakarite kia āta whakaatatia ērā i te paetukutuku hou. Ka tautoko i te rōpū kaupapa ki te tāmau i te ao Māori ki roto i ā mātou mahi. **Ko tā mātou e kimi nei**: - Te tautōhito ki te whakatinana me te whakaatu i ngā tikanga Māori - Te matatau ki te reo Māori - Te āhei ki te kōkuhu i ngā tikanga me te reo Māori i runga i te tōtika ki roto i ngā mahi huatau, whakamahere, me ngā ritenga pakihi. - Ngā pūkenga kaha mō te whakawhiti kōrero me te huawaere - Ngā wheako whakapakari me te tautiaki i ngā hononga kiripānga whaihua ki te Māori - He tangata kua mōhio kētia mō te kawe i ngā kaupapa ki te pae mutunga - Te hiringa me te manawanui ki te whakapai i ngā putanga mō ngāi Māori - Mēnā ka whai wheako hoahoa ngātahi, mahi rānei i te taha o ngā hapori ko te painga atu tērā. **He aha ngā hua ki a koe**: - Te whānuitanga o ngā hua kei roto ko ngā kōwhiringa mahi ngāwari, he hōtaka toiora, me te āhei ki te hoko mai i te whakamatuatanga tāpiri. - He kaiwhakahaere hihiri te ngākau, manaaki anō hoki, e kaikā ana ki te tino whiwhi hua i tō huinga pūkenga - Ngā utuhoko iti iho mā tō mātou Kaupapa Inihua Hauora ā-Rōpū. Ka timata te awhe utu ā-tau mō tēnei tūranga i te $87,209 - $102,599+, kei te āhua tērā o ō pūkenga me ō wheako. **Me pēhea te tuku tono**: Me māraurau rawa te kaitono ki te whiwhi me te pupuri i te mana ā-ture ki te mahi i Aotearoa. I mua i tā Te Amorangi Mātauranga Matua whakaū i tētahi tono tuku mahi, ka whakahaeretia he hihira hei mea mōkito rawa i mua i te tuku mahi, ā, ko te hītori o ngā hāmene taihara me te hihira i ngā kupu tautoko ērā. He kaitukumahi arawātea ōrite a TEC, ā, e ū ana ki te whakarite i te taiao mahi e hāpai ana me te uara i te kanorautanga me te kauawhi. Ka āwhina mai ō pūmanawa ahurei ki te whakarato i ngā ratonga pai rawa ki Aotearoa. E tāria ana tō tono Senior Advisor - Māori (6-month Fixed Term) - Bring te ao Māori to an exciting new web project helping New Zealanders navigate their career. - Lead ground-breaking work to identify and describe kaupapa Māori occupations. - Flexible working options available. Te Amorangi Mātauranga Matua - the Tertiary Education Commission - is a small Crown agency with a big job to do - ensuring New Zealanders have the skills and the knowledge they need to build a great life, and ensure New Zealand thrives. We invest over $3 billion annually across the tertiary education and careers systems. If you're looking for your “why”, then come and join us. We truly believe in the transformational benefits of education and vocational training. We recognise that the tertiary education system doe