Hautū Mātauranga Taiao Director Mātauranga Taiao

**Hautū Mātauranga Taiao**
**_He rohe ka kaingākautia. He anamata ka whakatupuria._**
Nau mai, haere mai Mā te poipoi anahe e tipu kaha ai tō tātou rohe, ngā kōawa, ngā kararehe, ngā tipu me ngā tāngata.
Ki te hono mai ki tō mātou tīma, ka hāpai nuitia e koe tētahi wāhanga matua o tēnei mahi whakahirahira. Ko te kawenga ia, ko te mahi whakaora i te taiao, te tūhono i ngā tāngata me ngā wāhi, te kaupare i ngā pānga taiao me te āwhina i te rohe nei me ana tāngata kia mauri ora ai.
He wāhanga mātou nō tētahi huinga tapatahi e mahi tahi ana ki te mana whenua me ngā mema o te hapori. He rite tonu te tiketike o ō rātou wawata mō te anamata o tēnei rohe, ki tēnā o ōu wawata.
- **Tū mai hei waka whawhati ngaru, ā, whakauruuru te mātauranga Māori ki te taumata ā-pūnaha**:

- **Ākina te kaitiakitanga i roto i ngā tikanga whakatau**:

- **Tātaki i te ahu whakamua, e tipu ai te mauri ora puta noa i Te Upoko o te Ika**

**Te Whiwhinga Mahi**
I te tūranga ārahi nei kātahi anō ka whakatūria ki Te Whanganui-a-Tara, ka whai wāhi matua koe ki te kaingākautanga o tō tātou rohe, ki te āwhinatanga hoki o ā mātou tāngata katoa puta noa i Te Upoko o te Ika kia mauri ora ai.
I a koe e mahi ngātahi ana ki te Rōpū Taiao, ka arahina e koe tētahi tīma mātanga ki te hoahoa, whakatinana anō hoki i ētahi anga e whakauruuru ai te mātauranga Māori ki roto i ngā huinga whakaaro me ngā mahi a te rōpū.
Mā tō mōhio whānui ki ngā rautaki Māori me ngā āhuatanga o te whanake kaupapahere e taea ai e koe te ārahi i ngā panonitanga ā-pūnaha ki ngā kawenga ā-ture, ā-mōhioranga, ā-mahere, ā-whakatinana hoki. Ka whakaāhei hoki ēnei panonitanga ā-pūnaha i ngā tūmanakotanga me te kawenga kaitiakitanga o te mana whenua o tēnei rohe.
**Mō mātou**
E kauawhitia ana e Te Hunga Whiriwhiri tāna nei tūranga hōnore ki te hāpai i te mana o Te Tiriti o Waitangi me ngā uara ā-hoatanga i waenga i Te Upoko o te Ika me te Mana Whenua o tēnei rohe.
Ka pūrongorongo koe ki Te Pou Whakarae, ka mahi tahi hoki ki ngā Kaiārahi Matua, ā, ka whai wāhi koe hei mema o te tīma whakahaere o Te Hunga Whiriwhiri.
Ko te kawenga nui o tō mātou tīma he tuku i te ārahi ā-rautaki, ā-whakatinana hoki, ā, ka tuku tohutohu mō te whanake i ngā kaupapahere me te mahi whakamahere, e whakateaomārama mai ai te tino pitomata o ngā hapori Māori. E noho hāngai ana hoki te tīma ki Te Whāriki, te Anga Pae Tara ā-Whare mō Ngā Putanga Māori.
**Mōu ake**
Ko te hikaka ki te mahi, te hangore me te tautoko ō pūkenga mātāmua, ā, ka urungitia te waka o tō tīma iti ki te pae o angitu i tētahi moana pukepuke, tere hurihuri hoki.
E angitu ai koe i tēnei tūranga, ka mauria mai e koe:

- Tō āhei ki te waihanga hononga motuhenga ki te tangata me ō wheako ki te ārahi i ngā whakaaro.
- Ō mōhiotanga hōhonu mō te whakaurutanga o Te Tiriti o Waitangi ki roto ki ngā anga pae tara ā-whare me ngā tauira mahi hou, inarā ngā pūnaha e hāngai ana ki te rautaki, te kaupapahere, te whakamahere tae atu ki ngā waeture me te mahi whakaū i te ture.
- Tō mārama pū ki ngā āhuatanga taineke ā-hapori, ā-tōrangapū hoki o ngā iwi, ngā mana whenua me ngā tari Māori.
- Tō hiahia ki te whakaāhei i ngā tūmanakotanga o Ngāi Māori kia ū ki te tino rangatiratanga.
- Ko te painga atu kua matatau kē koe, kei te mārama tiketike rānei ki te reo me ōna tikanga me ngā tikanga Māori, he ngākau tuwhera rānei tōu ki te ako, ki te whanake hoki i ēnei āhuatanga.

**Te tuku tono**
Kia mōhio mai: Ka āta tirohia e mātou ngā tono i te wā tonu ka tae mai, e tere ake ai tā mātou ahu ki ngā uiuinga whai muri i te rā kati (kei te āhua o te nama o ngā tono te tikanga mēnā rānei ka panonihia te rā kati). Tēnā, whakamōhio mai ki roto i tō tono mai ki a mātou, mehemea me whai whakaritenga motuhake mōu i tō mātou hātepe.
**Director Mātauranga Taiao**
**_Treasuring our rohe. Growing our future._**
Nau mai, haere mai Our rohe and its lands, waterways, animals, plants, and people can only grow stronger if they are nurtured.
To join our team is to step up and commit to playing an active part in this important mahi. That means restoring nature, connecting people and places, reducing environmental impacts, and helping this rohe and its people prosper.
We are part of a collective movement alongside mana whenua and community members whose hopes for the future of this region are just as high as your own.
- **Be a change maker and integrate mātauranga māori at a systems level**:

- **Encourage a Kaitiakitanga mindset in decision making**:

- *Lead the way forward growing prosperity across Te Upoko o te Ika

*

**The opportunity**
In this newly created leadership role based in Te Whanganui-a-Tara you will be integral to treasuring our rohe and actively helping all our people to prosper across Te Upoko o te Ika.
Working collaboratively with the Environment Grou